Shillong, Risaw, 14: Ka Red Ribbon Club bad ka NSS,Sohra Government College, ryngkat ka jingïatreilang bad ka Meghalaya AIDS Control Society(MACS)lem bad ka Regional Blood Centre, Pasteur Institute,Shillong ki la pynlong ïa ka Awareness-cum-Voluntary Blood Donation Camp hapoh ka Sohra Government College Campus ha ka 11 tarik mynta u bnai.
Ha kane ka prokram ka SDO(Civil)Sohra Civil Sub-Division, ka Hema Nayak, ka la long ka kongsan ryngkat ka jingssakhi lang jong u SDPO Sohra u Bah P.M.Syiem, SDM & HO,Sohra, Dr.G.Swett, Medical Officer, Regional Blood Centre, Pasteur Institute, Shillong Dr.B.Passah, AD Youth) Meghalaya AIDS Control Society,Shillong, Kong L.Nongpyiur, A.D (Voluntary Blood Donation) Kong L.M.Shullai nalor u Principal , ki nonghikai bad ki nongtrei jong ka College lem bad ki samla pule jong ka College.
Shwa kane la ka Kong L.M.Shullai ka la ai jingpynshai halor ka jingdonkam ka jingai snam mon sngewbha ban ïarap ïa kito kiba donkam ha ki khep ba kyrkieh.
Ki don khatphra ngut kiba la wan shakhmat ban noh synñiang ïa la ka snam bad kynthup katto katne ngut ki nonghikai bad ki nongtrei jong ka Govt. Sohra College nalor ki samla pule.
