Riangdo, Nailur 29: Ka Meghalaya AIDS Control Society ryngkat ka jingïasnoh kti lang bad ka State Blood Transfusion Council & Blood Centre, Nongstoiñ Civil Hospital kumjuh bad ka Mawshynrut Sport Association hapoh ka jingpynïaid ka ophis DM&HO West Khasi Hills District, ha ka sngi Thohdieng ka la pynlong ïa ka jinghikai ban ai snam, kum shi bynta ban rakhe ïa ka jingkynjoh sha u Mawmer ba 20 snem.
Ha kane ka jingïalang u Bah Methodios Dkhar MLA ka Mawshynrut Konstitwensi u la long kum u kongsan, ryngkat ka jingïadonlang u Dr. Z.Marak District Maternal & Child Health Officer DMHO Nongstoin, u Dr Erick H. Wanniang specialist (Transfusion Medicine) Nongstoiñ Civil Hospital, bad u bah Arkhelos Diengngan Mawshynrut Sport Association.
Kumba 300 tylli tam ki Tablet u kongsan u la sam sha ki nongtrei ASHA bad hadien ka jingïalang u la noh synñiang ïa la ka snam lajong.
U la khot bad wer ïa kiwei ban synñiang snam ban iada ia ki mynsiem briew.
