Shillong, Naitung 12: Ka Meghalaya State Legal Services Authority (MSLSA), ha ka jingïatreilang bad ka Regional Blood Centre, Pasteur Institute, Shillong ki la pynlong ïa ka Voluntary Blood Donation Camp ha ka sngi Thohdieng hapoh ka jaka jong ka Hon’ble High Court ka Meghalaya.
Ïa kane ka Blood Camp ne ai snam la shim bynta ruh da u Hon’ble Justice S. Vaidyanathan, u Chief Justice, High Court ka Meghalaya bad u Patron-in-Chief (MSLSA) bad kiwei ki Judge, ba kynthup ïa u Hon’ble Justice H. S. Thangkhiew, Judge, High Court ka Meghalaya bad Executive Chairman, MSLSA, u Hon’ble Justice W. Diengdoh, Judge bad Chairman, High Court Legal Services Committee bad u Hon’ble Justice B. Bhattacharjee, Judge, High Court ka Meghalaya bad u Bah E. Kharumnuid, Registrar General bad Member Secretary, MSLSA. Ïa kane ka jingai snam la ïalam da u Hon’ble Chief Justice uba la ai snam ha kane ka sngi ha ryngkat bad ki heh ki haiñ jong ka sorkar jylla, ki lawyer bad kiwei kiba la shim bynta ha kane ka Camp, ong ka kyrwoh na u Bah E Kharumnuid Registrar General bad Member Secretary MSLSA.
