Ai por ar sngi ka EJNC-KC ïa ka NHAI ban maramot ïa ka surok NH-6 khamtam ha sor Khliehriat

Khliehriat naitung 21:a East Jaiñtia National Council (EJNC) Khliehriat Circle kala ai por hapoh ar sngi ïa ka NHAI ba kan pynshna noh ïa ka surok NH-6 khamtam ha ki bynta jong ka Khliehriat uba la sniew shaba palat, ka seng kala kren shai ba lada kane kam urlong kan dawa noh da ka section 133crpc.
Ki nongïalam ka EJNC-khliehriat Circle hapoh ka jingïalam u General Secretary u Mebanteilang Sukhlain mynta hi ka sngi kila leit ban ujor sha u Deputy Commissioner ka EJHD halor kane ka jingleh khlem akor ka NHAI ïa u surok NH-6 ha ki bynta ka shnong khliehriat kaba long kum ka Headquarter ka District.
Ka seng ha ka jingïakren bad u A. Baranwal Deputy Commissioner ka District ula pynsngew ba kane ka jingsniew u surok kala mih na ka daw jong ka jingbym biang bha jong ki nala um (side drain) ha kaba ka um kala ïoh lad ban lang shi jaka bad khlongïa ka surok nalor sa ka jingïaid ki kali.
Na ka liang ka seng ka kyntu jur na u ophis treikam jong u DC ba kan shimkhia ïa kane da kaba wad ki lad ki lynti ban pynbha noh ïa katei ka surok lada ka long da ka shipor ruh (Temporary). Ha ka juh ka por ka seng kan ym shong kli kti bad kan phah syndon da ka 133 pyrshah ïaka NHAI. Pynkut ka kyrwoh na u General Secretary EJNC – Khliehriat Circle samla M. Sukhlaiñ.