Ai nuksa ka MSPCB ban pyndonkam ïa ka bording kaba khuid hapoh ophis jong ka, ong u Conrad

Shillong, Nohprah 11: U Myntri Rangbah ka jylla hak a sngi Palei u la plie ïa ka jingbuh ïa ki solar panel kiba hapoh ka CM Solar Mission, ha Meghalaya State Pollution Control Board (MSPCB).
Haba kren sha ki lad pathai khubor u Sangma u la ong, “Ngi kwah ban pynthikna ba baroh ki ophis sorkar, ki ïing, ki skul bad ki jaka sumar ki dei ban don ki bording ba khuid bad ka jingkyrshan jong ka bording na ka sngi kaba dei ban don ha ka por ba donkam.”
Ka CM Solar Mission ka dei ka kam kaba pura kaba pynïoh ïa ka rai kaba bha, kaba kynthup ïa ki solar panel, ki inverter, bad ki battery ban pynlang ïa ka bording ban pyndonkam katkum ka jingdonkam.
“Ngi ai lut baroh ki jingshim rai bad kam dei tang ka bam kaba shisien bam kaba lah ban pynbeit lut ïa baroh ki jingdonkam,” ban jur u Sangma.
U Myntri Rangbah u la pynpaw ka jingsngewhun da ka jingplie ïa kane ka project, bad ong, “Nga sngewkmen ba mynta ka sngi ha MSPCB office ha Shillong, ngi la plie ïa kane bad nga kyrmen ba kane kan kyrshan ïa baroh ka jingdonkam ha ka bording ha kane ka jaka.”
U Sangma u la ïaroh ïa ka Board ba ka la ïalam kane ka nuksa da kaba ong, “Kaba kham kongsan bha ka long ba kan phah ïa ka khubor ba ka MSPCB ka la ïalam da ka nuksa jong ka ba ki pyndonkam da ka bording kaba khuid (clean energy) bad kaba pynshlur ïa kiwei ki seng ba kin leh lang kumjuh.”