Shillong, Risaw, 22: Ka Don Bosco Youth Center (DBYC) Shillong kawei na ki shlem ai jinghikai pyntbit bapher bapher na ka bynta ki samla khnang ba kin lah ban ieng ha la ki jong ki kjat bad ban ïoh jingmyntoi ruh ha ka jingim jong ki ha ka sngi Balang u Director jong ka Don Bosco Youth Center (DBYC) u Fr. Michel Makri u la ai da ka kor suh jaiñ ïa ka samla Sinora Khongshei kaba la pynep ïa ka jingshah hikai pyntbit ha ka jingsuh jaiñ.
Kane ka jaka ai jinghikai ka ju kyrshan bad ai sngewbha na ka por sha ka por khamtam ïa ki samla kiba la leh bha bad kiba la pyndep ïa ki jingshah hikai pyntbit bapher bapher da ki Computer, ki Laptop, ki kor suhjaiñ bad kiwei kiwei de khnang ba kin lah ban ieng ha la ki jong ki kjat bad ba kin lah ban seng ïa la ka kam ka jam.
U Director u la ïathuh ba katkum ka jingbishar jong ka nonghikai kaba ai jinghikai, la ibit ïa ka samla Sinora Khongshei ban ïoh ïa ka kor suh jaiñ kum ka dak ban ai mynsiem ïa ka bad ïa kiwei pat ki samla kynthei khnang ba kin du lah ban ieng ha la ki jong ki kjat.
Ka samla Sinora khongshei ka la ai khublei ïa ka Don Bosco Youth Centre bad ïa ka nonghikai bad ka la kyntu ïa ki para samla kiba shah hikai lang ba kin trei shitom bad ban trei minot.
