Shillong, K’ Lyngkot 16: Ha ka jingïaleh ban pynneh pynsah bad ban kyntiew ïa la ka ktien ka thylliej, khnang ba ki pateng ban wan kin tip ïa ka jingïar jong ka ktien Khasi, bad ka jingriewspah jong ka, ka Hynñiewtrep Youth Council lyngba ka Socio-cultural cell, ha ka janmiet jong ka 16 tarik u Kyllalyngkot, ka la ïoh ban pynkup burom bad ai khusnam ïa ki 3 ngut ki samla jong ka jaitbynriew, napdeng ki 60 ngut tam, kiba la jop ïa ka nam ïa kop thoh bad pule poitri khasi, online kaba la ai kyrteng “u khulom ksiar” ha ka jingïalang kaba lyngkot kaba ka pinewood Hotel.
Kine ki 3 ngut kidei u samla Banjopleo Kharmalki u ba la wan ha ka kyndan kaba nynkong, ka hepbrit Lahundaka Teresa Synrem kaba la wan ar, bad u bah Freddy Boy Majaw u ba la wan ba lai
Haba ïakren u president Rangbah ka seng u Bah Roy Kupar Synrem u la ong ba ka seng ka la pynlong ïa kane ka jingiakop, pule bad thoh poitri ka dei ka thong naduh ba la sdang ïa ka, bad ka long ruh ban ïada, ban pynneh pynsah ïa ka ktien ka thylliej, bad ban ïaleh ban kyntiew ïa ki snap kiba kyrpang jong ka ri bad ka jaitbynriew.
La ïohi ba u nongjop ha ka kyrdan nynkong, haba ai jingkren u la jingjaw ummat da ka jingkmen bad ai ka jingïaroh ïa ka seng ba la pynlong ïa kane ka program.
