Jowai, Ïaïong 06: Ka Dong Barato-A West Jaiñtia Hills District mynta ka sngi lyngba u ma Experience Timung uba long ruh u Waheh Dong ula pynpaw ka jingsngewnguh bad ai khublei kyrpang halor ka jingïaid beit ïaid ryntih jong ka Jingïaseng Synod kaba Arphew (XX) jong ka K.J.P Synod Mihngi kaba la dep long ha ka Balang Presbyterian District Barato Mynso Presbytery, mynta u snem 2022.
U ma Timung ula pynpaw ruh ka jingai khublei ïa ka tnad PWD kaba la pynbiang ïa ka lynti ka syngkieng bad ka surok ba la lait na ki jingsahkut kali, ïa ka tnad Pulit kaba peit ïa ka traffic, ïa u MLA ka 4-Mookaiaw ma Nujorki Sungoh uba la shim ïa ka jingkitkhlieh ïa katei ka kam naduh u snem 2019 ban pynbit pynbiang ïa ki jingdonkam haduh ba la dep ka jingïaseng Synod.
Ka dong Barato-A ka pynpaw ruh ka jingsngewnguh ïa ka tnad PHE kaba la pynbiang ïa ka umbam umdih, ïa ka tnad MeECL, ïa ka tnad ka koit ka khiah bad ïa baroh kito kiba la ïarap bad snoh kti lang naduh ki barit haduh kiba khraw, kynthup ki nongïalam paitbah kum u ma Nehimaya Tyngkan u ma Robinus Syngkong bad iï u ma Sniawbhalang Dhar uba ïarap ban pynshna ïa ka pandal ha katei ka jingiaseng.
La ai khublei ruh ïa u MDC ka Sahsniang uba la ïarap lang ban pynbit pynbiang ha katei ka Jingïaseng Synod. Ha ka juh ka por la kibok kitrwiang lang ïa baroh kiba ïa don bynta lang ba kin dang ïoh ïa ka met kaba koit ba khiah ba kin nang lah ban shakri shibun ki kam ha kaba ïadei bad ka imlang sahlang bad ka Constituency hi baroh kawei. Kumjuh ïa ka Balang Katholic kaba don hapoh ka shnong bad ïa ki tnad sorkar bapher bapher.
