Jowai, Naitung 10 : Ka Sengkhihlang ka ai khublei lehñiam Behdieñkhlam basuk ba kmen ïa baroh ki khun jong ka Seiñ Raij Jowai kiba shong ba sah ha kylleng ka bri u hynñiewtrep hynñiew skum to ai ba kane ka jingleh ñiam ïa ka Behdieñkhlam ka ban sdang naduh ka 11 /07/2022 bad kut ha ka 14/07/2022 ha ka Ayiem Aitnar jong ka Seiñ Raij Jowai kan long ka jingleh Niam kaba phuh ba phieng bad kaba i shongkun shong Blei.
Na ka liang jong ka Sengkhihlang ka khmih lynti ba kane ka jingleh ñiam ïa ka Behdieñkhlam kan long kaba heh bad kaba phuh ba phieng namar ha kine ki ar snem ba la dep ka jingleh ñiam ïa ka Behdieñkhlam ka long kaba kynjah namar ka jing don jong ka Khlam COVID 19, te hynrei mynta u snem kane ka khlam COVID 19 kala jah shi syndon, te lyngba kane kane ka jingleh ñiam ïa ka Behdieñkhlam ba u Blei Trai kynrad un theh shuh shuh ïa ki jingkyrkhu kyrdoh ia baroh ki khun jong ka Seiñ Raij Jowai ba u Blei un beh krat ïa ka khlam ka ngoh ka pang ka shitom khnang ba ha kine ki ‘Soo Sngi Le ïaw’ ba ki Blei kin wan peit wan sylli ïa ka ïing ka sem jong iwei pa iwei ki khun jong ka Seiñ Raij Jowai ha ryngkat bad ki jingkyrkhu kyrdoh.
Ka Sengkhihlang ka wan sha phi ki khun ka Bri u Hynñiewtrep Hynniew Skum ban pyntip paidbah ba ïa ka Lympung jong ki Khun Samla Sengkhihlang kan long ha ka taïew ba lai jong u bnai February 2023 katta ha 18&19/02/2023 kata ba ïa ka lympung jong ka Sengkhihlang Seng Kmie kan long ha u bnai April 2023 katta ha ka 14,15,16 April 2023. Kane ka long katkum ka jing pyllait khubor u Rgh, S. Sari Publicity Secretary Sengkhihlang.
