Jowai, Naitung 11: Ka Pnar Students’ Movement (PSM) Central Body ka la ai khublei Behdieñkhlam ba suk ba kmen ïa waroh ki khun ka Seiñ Raij Jowai ha une u snem 2025.
Lyngba kane ka jinglehñiam ha une u snem kan long kaba iphuh iphieng bad kaba shongkun ha kaba ki khun ka Seiñ Raij kin ïoh ka jingkyrkhu kyrdoh ha baroh ki liang naduh ka koit ka khiah, ka roi ka par bad ka kamai kajih ha ryngkat ka jingsumar u Trai Kynrad uba long u nongbuh nongthaw.
Shuh shuh ka PSM ka kitbok kirwiang ïa ki khun ka Seiñ Raij Jowai naduh ba sdang jong kane ka lehñiam Behdieñkhlamtad tad haduh ba kut jong ka, pynkut ka kyrwoh na u President PSM Central Body Bah E. Passah.
