Khliehriat, Jylliew, 30: Ka Jaiñtia National Council Western Zone lyngba u kyrwoh khubor ba la phah da u Vice President, u samla Hamehi Bamon, ka seng ka ai ka jingkhublei Behdeiñkhlam ba suk ba kmen sha baroh ki khun ki hajar jong ka Seiñ Raij Jowai kaba la sdang ïa ka jinglehniam Behdeiñkhlam mynta ka sngi ka 30 tarik u jylliew ka jingleh niam kaba ju pynlong man la u snem kaba ki ju pynkhreh da ki bnai ki snem da ka mynsiem ba kmen bad da ka jing shitrhem.
“Lyngba ka leh niam Behdeiñkhlam ka seng ka shaniah ba u blei trai kynrad uba la buh ba thaw ba dei ban beh noh ïa ka khlam, ka pang ka shitom na ki longïing longsem ha ki shnong ki thaw, ki Raij ki muluk kin im suk, im saiñ ha ryngkat ka roi ka par ka koit ka khiah pateng la pateng bad ai ba kane ka Behdeiñkhlam kan wanrah ki jingkyrkhu kyrdoh ha baroh ki liang khamtam kan wanrah ïa ka jingiatylli ha baroh kawei ka bri u Hynñiewtrep ha ryngkat ka tip briew, tip Blei, ka akor ka burom bad ruh ban ïa burom mar kyllieng ruh iwei ia iwei” pynkut u kyrwoh na ka JNC Western Zone.
