Jowai, Naitung 09: Ka Jaiñtia Students’ Union (JSU) seng kmie lem bad ki shnat treikam baroh ka ai khublei kyrpang bad ka kitbok kit rwiang ïa baroh ki khun ki hajar jong ka Ri Jaiñtia khamtam ïa ki khon ka Seiñ Raij Niamtre ki ban sa pyndep ïa ka lehñiam Behdienkhlam jong ki ha une u snem 2025.
Ka seng ka phah ruh ïa khubor sha baroh ba kane ka jinglehñiam Behdienkhlam kaba mynta kan warah shisha ïa ka jingkyrkhu kyrdoh na u Trai Kynrad, khnang ban ïoh ïa ka shait ka khiah kaba bha bad ban bha ka kajih ka kamai bad ka pule puthi ban ïoh ruh ka jingshong suk ha baroh ki liang hapoh ka imlang ka sahlang.
Pynkut ka khubor ba lah phah na u samla Neilkee Mukhim uba dei u General Secretary ka JSU seng kmie.
