Jowai, Naitung 12: Ka Jaiñtia Joint Alliance (JJA) hapdeng ka WjSU bad ka JYF kila ai khublei kyrpang ïa ka Behdienkhlam Festival 2025.
Ka Alliance ka ai khublei bad ka ai jingïaroh sha baroh ki paid ka sor Jowai bad ki paidbah Pnar kiba bud ïa ka Niamtre halor ka jinglong bakhrawtam ka Behdienkhlam Festival 2025.
Ka Behdienkhlam Festival kam dei tang ka jinglehñiam hynrei ka dei ka jinglong ba kyntang bad ba kyrpang ki paid Pnar kaba pynpaw ïa ka jingieit ïa ka ñiam trai bad ka jingïadei bad ka Riti ka Dustur. Ka long ka bor kaba pynkhuid ïa ka pyrthei na ki jingpang bad duwai ïa ka jingsuk, ka jingkiew shaphang bad ka Jingïatylli ha ka imlang sahlang.
Ka jingïathuhkhana lyngba ki Rot ba lah tei ryngkat ka jingsngewbha bad ka jingïalum paidbah ha wah Aitnar ka long ka dak ka jingïatylli jong ka jaitbru Pnar ha ka jingïada bad ka jingïaroh ïa ka ñiam tynrai.
Ka JJA ka ai ka jingkitbok kitrwiang ba kane ka Behdienkhlam Festival 2025 kan wanrah ïa ka jingkoit jingkhiah, ka bha ka miat ha man la ka long ïing ki paid ka jaitbru Pnar. Pynkut ka kyrwoh na ma Everest Langstang, Secretary Jaiñtia Joint Alliance Jowai/Amlarem.
