Ai khublei Behdeiñkhlam ba suk ba kmen ka EJNC bad ka KSU-EJHD ïa ki khun ki hajar ka Seiñ Raij Tuber

Khliehriat naitung 19: Ka East Jaiñtia National Council-Central Executive Council, lyngba u kyrwoh na u Finance Secretary, u samla Training Phawa bad ka Khasi Students Union East Jaiñtia Hills District, lyngba u Publicity Secretary, u samla Hamewapynhun Ryngkhlem, ki ai ka jingkhublei Behdeiñkhlam ba suk ba kmen ïa baroh ki khun ki hajar jong ka Seiñ Raij Tuber bad phah ruh ka jingkitbok kitrwiang ïa ka Seiñ Raij ba kan nang ïaid shaphrang shuh shuh ha kaba pynneh pynsah ïa ka riti ka dustur bad ïa ka niam ka rukom kumba la maitphang da ki longshwa man shwa na men barim.
“To ai ba kane ka Behdieñkhlam kan long kaba ïaid beit ïaid ryntih bad kan beh noh sha jngai bah ïa ki jingpang kiba bapher bapher bad ïa ka khlam kaba har rukom kaba la wan ban lyngshop ïa u bynriew ha kane ka sla pyrthei. Ngi ngeit skhem ruh lyngba kane ka Behdieñkhlam kan tehsong ruh ïaka jaidbynriew ban don ïa ka mynsiem jingïaieid jingïatylli kum ka jaidbynriew rit pait hapoh ka Bri u Hynñiewtrep Hynñiewskum. To ai ba U Blei, u Trai kynrad Nongbuh Nongthaw un dang ïai theh ïa ki jingkyrkhu khyrdoh ha baroh ba ngin dang ïoh ïa ka koit ka khiah krat, ba ngin nang kiew irat ha ka bha ka miat bad ha ka kamai kajih” pynkut u kyrwoh na kitei ki ar tylli ki seng na East Jaiñtia Hills District