Nongpoh, Jylliew 23: Namar ka jingmad jingeh jong ki paidbah nongshong shnong ka thaiñ Jirang halor ka jingbym biang ka bording elektrik ba bun ki transformer kila sniew bad duh ha katei ka thaiñ haduh ba ki paidbah ki hap ban shong dum, u MLA ka Jirang u Bah Sosthenes Sohtun MLA ka Jirang u la leit ban ai syndon da ka jingthoh sha u Myntri ba dei peit ïaka tnad bording u Bah Prestone Tynsong.
Kane ka jingshong dum ki paidbah ha katei ka thaiñ kala buh jingeh ïa kiba bun ban pyndep ïaki kam ki jam bad khamtam ki khynnah skul kiba hap ban minot haki jingpule ban pynkhreh ruh ïaki eksamin jong ki.
Halor katei ka bynta naka liang u MLA u la kyrpad ruh sha u myntri ba dei ban phah ïaki engineer ka tnad bording ban pynbiang ïaka bording ha katei ka thaiñ bad ruh ban shna lane bujli ïaki transformer kiba la sniew noh naka bynta ka jingbit jingbiang jong ki paidbah ha kaba naka liang u myntri u la shimkhia halor katei ka jingeh jong ki paidbah ka thaiñ Jirang.
