Shillong, Iaiong 30 : Ka Uber ka la pyllait paidbah ïa ka jingai jingshakri jong kane Moto service ha Shillong ha kaban buh ïa ki kali ar shaka ki ban pynsuk ïa ki paidbah bad ha ka dor Kaba tad, kane kan ïarap ban pynsuk na ka bynta ban pynpoi ïa ki briew na kawei ka jaka sha kawei pat ha nongbah.
Kane ka jingpyllait paidbah ka pynpaw ïa ka jingtrei ba radbah jong ka kompany ha ka thaiñ bad ban pynpaw ïa ka jingthmu jong ka Uber Moto kum kawei na ki shnat kaba trei na ka bynta ban kyntiew ïa ka kam kum shi bynta jong ka jingpyrshang ban pynurlong ïa ka ‘India to Bharat’ strategy ban khnang ban kyntiew shuh shuh ïa ka jingdon jong ka ha ka ri.
Kane kan ai jingmyntoi ïa ki nongshhong kumjuh ruh ia ki nongñiah. I Secretary bad Commissioner ka tnad Transport I Bah M.R. Synrem i la pynkup burom ia ki nongñiah kynthei kiba la wan sha khmat ban ai ïa ka jingshakri. Ki la ioh pdiang ruh ia ki jingai sngewbha na ki nongmih khmat jong ka Uber. La sam ruh ïa ki helmet sha ki nognpynïaid jong ki bike taxi.
Ki kyndon ba phi lah ban book ia ka Uber Moto ki long (1) Download ïa ka Uber app ha ka phone iOS ne Android na Play Store. (2) Shna ïa ka Uber account da kaba ai ïa ki jingtip ba bniah jong phi kum ka kyrteng, ka phone nombor bad kiwei kiwei. (3) Jied Uber MOTO ha ka app. (4) Kumba long kiwei pat ki app pynrung ïa ka kyrteng jong ka jaka kaba phi kwah ban phah wan shaw. (5) Jied ïa ka rukom siew, bad sa kyrpad ne request ban ïoh ïa ka kali ban wanshaw. (6) Phin sa ïoh ïa ki jingtip kiba bniah kiba ïadei bad ki driver kum ka kyrteng, ka dur, bad ki jingtip ba bniah kiba ïadei bad ka motorbike. I nongñiah ïa ka Uber Moto in sa poi ha ka jaka ba phi la phah ban wan. I nongñiah in don kawei ka helmet ïa I nongshong, bad katkum ki kyndon aiñ, baroh bad nongñiah bad nongshong donkam ban kup helmet.
Hadien ba phi la poi sha ka jaka ba phi phah ban leit on, phi dei ban siew ïa ka baishong, phi lah ban siew da ka pisa ne da ka
credit/debit card, ne na ki mobile wallet kaba long ka jingsiew kaba phi lah ban leh lyngba ka mobile.
Phin sa ïoh ïa ka electronic resit lyngba ka Uber app. U Khlieh duh jong ka East India bad Bangladesh jong ka Uber U Md. Ali Armanur Rahman u ong, “Ngi kwah ban pynpaw ïa ka jingsngewnguh jong ngi sha I transport commissioner jong ka jylla iba la ai mynsiem bad ïadon ryngkat ha kane ka sngi plie, kaba la ai mynsiem ïa bun ngut ki nongñiah kynthei ba kin shim ïa kane ka kabu ban kamai kajih lyngba ka rynsan jong ka Uber.”
