Ai jingïaroh u Bah Process ïa u Bah Prestone ba thung MDC shu sieh na ka VPP khlem da kwah leh politik

Shillong, Naitung 7 : U Bah P.T Sawkmie, MLA barim hynne ka sngi u ong ba ka dei ka bynta jong ngi ban ai jingïaroh ïa u Bah Prestone Tynsong, u Symbud Myntri Rangbah ka sorkar uba khmih ïa ka District Council Affairs (DCA) ba u pdiang ban thung ïa u MDC shu sieh na ka Voice of People Party (VPP) khlem da kwah ban leh politik.
“Kane ka paw ïa ka jingshemphang, ka jinglong rangbah, ka jingïohi jngai bad ka jingstad jong u ne u rangbah,” ong u Bah Sawkmie.
U bynrap “Kumba ka Voice of People’s Party ka la ïoh ïa ka majority ne jingbun paid hapoh KHADC bad ïoh ïa ka jingsynshar ban ïalam ïaka Excutive Committe ka jingthung ka sorkar ïa u MDC shusieh ne Nominated MDC naka VPP ki la nangïoh bor shuh shuh.”
U ong ruh, ka politik ha Meghalaya baroh shikatta ka ju long ba ka sorkar kaba bat ïaka bor synshar, ïa ki nominated MDC ha ki Lai tylli ki district Council la ju thung da ka sorkar ïa la ki jong ki briew, hynrei ha kane ka kynti kaba mynta ka sorkar MDA ka thung na ka party VPP da ka jingthmu ba kane ka Excutive Committee kan trei bha ïaka kam ka council bad ïa ka ri bad ka jaitbynriew.
“Ngi khmih lynti bad ai ka jingkyrkhu kyrdoh ba kane ka Excutive Committee kan ai ka jingshakri kaba bha,” bynrap shuh shuh Bah Sawkmie.