Jowai, Naiwieng 21: U ma Sniawbhalang Dhar uba long u Symbud Myntri Rangbah ka sorkar jylla ula pynpaw ka jingsngewkmen halor ka jingïoh ïaroh jong ka tamasa ‘Cherry Blossom’ ba la pynlong ha nongbah Shillong na ki briew ba nabar kiba dei ki paralok jong u kum na Mumbai, Hyderabad bad kumjuh kiba na ka ri Spain.
Haba kren sha ki lad pathai khubor u Bah Dhar u la ong ba kane jingïoh jingïaroh ka Tamasa kaba dang shu dep pynlong ka long halor ka nongrim ba wat hapdeng ka jingbun briew bad ka jingïashad hapdeng ki shynrang bad ki kynthei naduh ki riew rangbah bad ki khun samla, hynrei kam don pat kino kino ki jingleh khlem akor na ki kam sniew ba bun jait.
“Kane ka pynpaw ba kum ki nongïalam ki wan ban ai jingshakri ïa ki paidbah ka jylla Meghalaya bad na ka liang ki paidbah ruh kila kloi ban ïatreilang bad ka sorkar ban wanrah ïa ka akor ka burom bad ka jingïaburom kylliang iwei ïa iwei pat”.
U ma Sniawbhalang ula ong, “uwei na ki heh shipai ka Ri ula pynpaw ba kum kane ka jingshad ba don burom kam ju kham jia hapoh ki jylla jong ka Ri, bad ka jingai khublei ka long kyrpang eh sha ki paidbah, bad ong ba ka don ka por ïa baroh, ka por ban trei bad ka por ban lehkmen.”
Ha kaba ïadei bad ka jingwanrah ban pynlong ïa kum kane ka Tamasa shapoh ki thaiñ Jaiñtia Hills ha ki por ban wan, ula pyntip da kaba ong, “Yn wanrah pynban da kaba heh ban ïa ka ‘Cherry Blossom.”
