Shillong, Nohprah : U MLA ka Mawlai u Bah PT Sawkmie ha ka 6 tarik mynta u bnai u la kner ïa la ki kti ban ai jingïarap da ki kor computor sha ki skul bad ïa ka shnong Mawsiatkhnam kaba u la sam ha ophis treikam jong u ha Mawlai Nongpdeng.
Ki skul kiba la ïoh ïa ki kor computor ki long ka Shinning Light Academy, ka St. Mark, skul CNI, Mawsiatkhnam bad ka Mawlai Christian. Ha ka juh ka por u MLA u la ai ruh ia ka kor computor sha ka shnong Mawsiatkhnam.
Haba ai jingkren shuwa ban sam u Bah Sawkmie u la pynpaw ka jingkmen ba ha i bor barit u pyrshang katba lah ban pynïoh jingïarap mar kumjuh ïa baroh hapoh Mawlai konstitwensi, hynrei na kadaw ba ka Mawlai ka heh eh, ai katno katno ruh ym ïohi, long kumba theh um shi klat ha ka duriaw.
Ha kane ka sngi la ïoh ruh ïa ka jingkren na ka nonghikai ka skul Shining Light Academy ka kong Aitilin Nadon, na ka kong Alvarine Marwein jong ka Mawlai Christian, na u Deacon bah P. Jyrwa bad na u rangbah shnong Mawsiatkhnam u bah Shemphang Wahlang kiba la ai khublei bad pynpaw ka jingsngewnguh ïa u MLA ha kaba ïa dei bad kine ki jingïarap bad ki la kitbok ïa u ba un ïoh biang ïa ka jingjop ha ka ilekshon 2023.
Ha kane ka sngi la ïoh ruh ka jingkren na bah Frankie Massar, ba pynïaid ïa ka jingïalang bad na bah Teibok Kharkongor, Secretary UDP Mawlai Circle.
