Khliehriat iaiong 28: Ha ka jingialang ba la pynlong mynnin ka sngi ha Khliehriat, ka ophis jong u Deputy Commissioner ka East Jaiñtia Hills District ka la sam jingiarap sha kito ki lanot kiba hap hapoh Wapung C&RD Block, kiba ngat ha ki jingshah lynshop ha ki bor mariang bad ka jingiarap kaba la ai kyllum lang T6,40,301 tyngka ka dei kaba la pyllait na ka tnat State Disaster Relief Funds bad la sam da u Deputy Commissioner, u Abhilash Banarwal,IAS lem ki heh jong ka District.
Katei ka mang tyngka ka dei ruh na ka bynta kito ki lanot kiba ngat ha ki jingpluh iïng kiba la duh noh ïa ki iïng ki sem namar ka jingbam duh ka ding, kumjuh ruh kito kiba la ngat ha ka apot jingshah pynjulor ha ka ‘er iong, ka cyclone.
Kiba la ïa don ryngkat lang ruh ha kane ka jingialang ki kynthup ki Additional Deputy Commissioner, u bah S.S.Syiemlieh, MCS, u bah Jonathan Shylla, u Extra Assistant Commissioner, MCS, u bah S.Marwein, MCS bad kiwei kiwei ki heh jong ka district.
