Jowai, Risaw 14: Shi bynta na ka thong jong ka Distribution of Humaniterian Aid, na ka liang ki dkhot ka Indian Red Cross Society, Jowai Branch ba kynthup ïa u W. Lyngdoh, Chairman IRCS, Jowai Branch, u Ohiwot Laloo, Secretary, IRCS, Jowai Branch, u Hanpaya Nongpluh bad kiwei de, ha kane ka 13 tarik u Risaw kiba leit ban ai jingïarap ïa longïing jong ka kong Yoolangki Shylla kaba shong basah ha Wahiajer, West Jaiñtia Hills.
Kane ka jingleit ai jingïarap ki dkhot ka Indian Red Cross Society, Jowai Branch ïaka kong Yoolangki Shylla, ka long hadien ka jingpluh ding jong ka ïing kaba la jia haka 2 tarik u Risaw, 2025.
Hashwa ban ai jingïarap la don ka jingïalang ba lyngkot ha kaba u ma W. Lyngdoh, Chairman IRCS, Jowai Branchda ula ai ki kyntien kitbok kitrwiang da kaba pynsngew ruh shaphang ka thong bad ka nongrim treikam jong ka Red Cross Society kum kawei na ki seng kaba don ha shityllup ka pyrthei kaba lah ban ai jingïarap sha ki paidbah ha ki liang bapher bapher, khamtam ha ki jingjia ki bym poi pyrkhat (Calamities & accidents) haka juh ka por u kyntu ïa ki nongshong shnong ban kin don bynta lang bad ka seng.
Ki tiar ki tar kiba la ai jingïarap sha katei ka longïing da ka IRCS, Jowai Branch ki kynthup ki tiar shet jingshet, ki nep syiad bad kiwei.
