Shillong, Nohprah 23 : Ka Indian Red Cross Society (IRCS) ha ka sngi Balang, kala leit ai jingïarap ïa ki artylli ki Longïing kiba mad ïa ka jingjia pluh ding ka ïing ha ka sngi Ba-ar ha Mawlai Nonglum.
Kine ki Longïing ki dei jong I kong Kyntiewrity Sawkmie bad I kong Buetlin Sawkmie.
U Pa’iem Laborious Manik S Syiem, Chairman ka IRCS, ula sam ïa kine ki tiar jingïarap bad synniang ruh mar shi packet u khaw sha kine ki longïing. Kiba la ïadonlang ki kynthup ïa u Rangbah Shnong bad Rangbah Dong, I kong Badamonlang Thangkhiew nongtrei ka IRCS bad Bah Andrew Nelson Sawian, General Secretary ka IRCS.
