Nongpoh, Nailur 15: Kum shibynta ban rat diengkhong ïaka jingkynrei jong u Drok hapoh ki shnong ki thaw bad kumjuh ban ai jinghikai paidbah kumno ban kiar naki jingdih kiba sniew, na ka liang ka Seng Samla Pahamsyiem haka jingïatrei lang bad ka Civil Hospital Nongpoh, hynnien ka janmiet ki la ioh ban pynlong ïaka program ai jingpynshai sha ki paidbah nongleit nongwan bad kumjuh ïaki nongshnong shnong jong ka shnong pahamsyiem halor ki jingktah jong u drok.
Ha katei ka janmiet la ioh ban ai ïaka jingkren pynshai halor katei kaphang kaba dei na ka jingktah u drok da ka Kong Kong Bateimon Pamshong, psychologist Civil Hospital, Ka Drama halor kaphang pyrshah ïa u Drok ba la shim bynta daki samla pule jong Martin Luther Christian University ha ryngkat bad ki samla jong ka Shnong Pahamsyiem.
Ha katei ka janmiet la wan ban ïa don bynta lang da u Bah Jetwin Lyngdoh Rangbah Shnong ka Pahamsyiem, ka Kong Bateimon Pamshong Psychologist Civil Hospital Nongpoh, ka Kong Noami Warbah, u samla kitburom Malai Staff ka Childline Nongpoh, ki samla pule la MLCU Shillong, ki dkhot jong ka Seng Samla Pahamsyiem ki nongshong Shnong bad kiwei kiwei.
