Khliehriat Naitung 4: Ka ophis jong ka District Social Welfare Office East Jaiñtia Hills District mynta ka sngi ka la pynlong ïa ka prokram ai jingpynshai lane ka awareness prokram halor ka Cyber Crime
Haba kren ha ka jingïalang, u Additonal Superintendent of Police East Jaiñtia Hills District, u bah B.Jyrwa u la kren halor ki jingshah thok shah shukor ki ba bun ki briew kiba ngat ha ki riew sniew ba ju tip tip kum ki Cybercriminals, kumjuh ruh kum ka kam shukor lyngba ka CVV/OTP, ka jingsha thok pisa kaba lyngba ki online (Money QR code/ Link Google Pay/ PhonePe/ Paytm,) kumjuh ruh ki jingshah shukor kum ka Google Docs App, OLX, eCommerce Platforms, Amazon Pay, Gift Certificate, Cashback Offers, kum kaba lyngba ki mobile ap bad kiwei kiwei ki jait jingthoh kaba lyngba ki social media, kaba kular thok ban ai kam ai jam, kaba thok ba jop ïa ki lottery, ka digetal banking kaba shu thok, u tei u heh pulit u kyntu ïa ki kmie ki kpa ba ki dei ban hikai bha ïa ki khun ba kim dei ban ngop ha kum kitei ki jingshah thok shah shukor bad donkam ban hikai bha ïa ki khynnah ba kin lait na ki jinsghah riam ba bun jait kiba lyngba ki online, social media, kumnki WhatsApp, ki Facebook bad kiwei kiwei ba ju tip kum ki cyber crime.
U la iathuh ruh shaphang ka National Cyber Crime Reporting Portal kaba dei ka rynsan ba la shim da ka sorkar India ban pynkup burom ïa kito kiba pynpaw pyrthei ne iathuh, ne ujor shaphang ki kam sniew kiba lyngba ki online, khamtam ki kam thombor ïa ki kynthei ki khynnah, kumta u kyntu ïa ki paidbah ba ki dei ban pyntip online lada ki don kino kino ki kam sniew, ki kam thok, ki kam shukor, ki lah ruh ban shu phone ha u numer 1930 uba dei u number jong ka National Helpline number., la ong ruh ba lada don ka jingshah thok pisa, kiba shah thok ki dei ban pyntip mar mar hapoh ar phew saw kynta khnang ba ïa ka pisa ba shah thok yn ïoh noh kham kloi
U District Child Protection Officer East Jaiñtia Hills District, u bah T.Kyndiah u la ong ba ki cyber crime ki don bunjait bad ki ju leh ruh ki kam shukor tang ban ioh kamai pisa, ki don ruh ki jingshah rah bor, ki jingbat bor kiba la leh lyngba ki online, u la kyntu ïa ki kmie ki kpa ba ki dei ban da peit bha ïala ki jong ki khun kiba pyndonkam ïa ki mobile phone, pyndonkam computer bad dei ban hikai ïa ki ba kin lait na ki jingsniew kiba lyngba ki online.
Ia ka prokram la pynlong ha Dkhiah East Community Hall bad la wan ban ïa shimbynta lang da ki waheh shnong na ki shnong bapher bapher
