Jowai, Jymmang 11: Shi bynta na ka thong ban pynjanai ïa ka rukom treikam ki BRP, CRP bad ki Dkhot jong ki School Managing Committee, ka Ophis jong ka District Mission Coordinator, SSA West Jaiñtia Hills ha kane ka sngi Thohdieng ka la pynlong ïa ka ‘District Level Training’ ha Lion Mission Compound Dorbar Hall, Jowai.
Hashwa ban sdang ka Training ka kong M. Lakiang, DMC-SSA West Jaiñtia Hills haba ai jingkren ka la kyrpad ïa baroh ki nongwan ïashim bynta naduh ki BRP-CRP haduh ki dkhot jong ki SMC ba kin pynleit jingmut bha ïa kaei kaba ki la ïoh jinghikai lyngba kane ka Training, khnang ba kin ïoh ban sam lem ïa ka jingtip sha kiwei de.
Ka Kong J.J. Synrem, State Community Mobilizer & State Planning Officer, SSA Meghalaya, Shillong ka la batai shaphang ka Role of SMC as per RTE Act 2009 bad ka NEP 2020, katba u R. Lyngdoh, District Disaster Management Officer, West Jaiñtia Hills ula batai shaphang ka School Disaster Management Plan.
Ka Kong Synrem ka la batai shaphang ka kamram ki School Managing Committee da kaba ong kum ki dkhot ki dei ban sngewthuh shai bha ïala ka jong ka kamram, yn dei ban hun tang ban long kum ki dkhot, khlem da tip bha shaphang ka jinglong jingman jong ka skur.
Ka la ong ka jingtip shaphang ka NEP 2020 ka long kaba donkam eh namar mynta ka sorkar India ka la pyntip nangne shakhmat yn hap ban ïaidlynti katkum ki kyndon treikam jong ka, na ka bynta ban pynbha pynmiat ïa ka pule ka puthi ha ki kyrdan bapher bapher.
‘Ban pynbha shuh shuh ïa ka rukom treikam ki Skur bad ki BRP-CRP na ka bynta ki khynnah kiba don jingduna ha ki dkhotmet’ na ka liang u L.K. Singh, IE Coordinator, SSA West Jaiñtia Hills ula ai jingbatai shaphang ka Inclusive Education, u R.L. Bimee Suwer, MIS Coordinator ula batai shaphang ka UDISE bad kiwei de ki bynta ban pynrum kyrteng ïa ki khynnah skur katkum ka juk, katba u Daohi Manner, Junior Engineer, SSA West Jaiñtia Hills ula batai shaphang ki bynta ban pyntrei ïa ki ïing skul( Construction) bad kiwei de.
La pynkut ïa kane ka jinghikai Training da ki kyntien ai khublei da u S.D. Laloo, Community Mobilizer, SSA West Jaiñtia Hills.
