Tura, Naitung 2 : Mynta ka sngi la pynlong ïa ka jingpynkup burom ïa ki samla baroh kiba la wan ban ïashim bynta ha ka jingai jinghikai ha ka skhim Aapda Mitra ba la pynlong da ka District Disaster Management Authority (DDMA), West Garo Hils ha SMELC, Dakopgre, Tura. U SP jongkatei ka district u V.S Rathore u la long u kongsan.
Haba kren ula ong “ Ki pulit jongka jylla ki dei ki briew kiba nyngkong eh ban beh haba jia kino kino ki jingshah lyngshop kumta mynta da kane ka jingïoh jinghikai ki samla lyngba kane ka skhim ban long kita ki Aapda Mitra Valunteers kine ki la lah ban ai ka jingïarap lada don kino kino ki jingjia ne jingshah lyngshop ha ka mariang khamtam haki dong bad ki shnong jongki ne ki jaka ba marjan. U la ong ruh ki jingjia kum ki aksident, ka jingpluh ding la ka dei ha ïing ne ki para marjan kine ki valunteer ki la lah ban leit beh kloi ban ai jingiarap kyrkieh namar la hikai ïaki ha kata ka nongrim ba kin ïabeh ban ïoh ai jingiarap kloi ïakino kino kiba donkam ka jingïarap.
U la ong ka jingïapathai jingtip ka long kum u budlum haba jia kino kino ki jingshah lyngshop la ka dei na ka mariang ne na u briew ruh. Kumta u la kyntu ïa ki valunteer ba kin sumar bad pyndonkam hok ïa ki VHS Set ba la sam ïa ki khnang ba kin ïoh ban ïa pashat jingtip haba jia kino kino ki jingjia. U la ong dei ban sumar bha ïa ki ym dei ban shah pyndonkam bakla bad ban pyntip mar mar lada jia ba ki jah.
U la ong ba ka jingïa pyntip mar kylliang bad ka jingïabeh mar mar sha ki jaka ba jia ka long kaba donkam tam namar ban ïoh ïarap bad pyllait ïa kino kino kiba ngat ha kano kano ka apot. U la kyntu ïa ki ba kin ai ka jignshakri hok sha ki paidbah namar lyngba jongki khlem pep beit kin lah ban ïada na ka jingiap ïa kiba bun ki mynsiem briew.
U khlieh ka DDMA West Garo Hillsu James D Sangma ula ïathuh ba kane ka jingai jinghikai ba 12 sngi halor kane ka skhim na ka bynta kine ki Aapda Mitra Valunteer ka la sdang naduh ka 23 tarik bad kut mynta ka sngi 2 tarik. La ai jinghikai ïa ki samla kynthei bad shynrang. La buh thong ban ai jinghikai ïa 200 ngut ki valunteer man la ka district. Mynta ka kynti la dep ai jinghikai shwa 50 ngut ba kynthup na Tura, Dalu bad Rajabala. ïa ki 150 kiwei pat yn sa ai jinghikai ha ka bynta ba ar bad ba lai.
