AHMEDABAD, Naiwieng 21: Ka kynhun ki ïalehkai phutbol U17 jong ka ri India kan sdang ïa ka jingïakhun jong ka ha ka AFC U17 Asian Cup 2026 Qualifiers pyrshah ïa ka Palestine ha kane ka sngi Saitjaiñ, 22 tarik Naiwieng, 2025, ha EKA Arena ha Ahmedabad, ha ka por 7:30 baje janmiet. ïa kane ka jingïalehkai yn pyni live lyngba ka plus.fifa.com.
Ka India ka la rung sha kane ka lympung hadien ka jingpynkhreh kaba jur, kaba kynthup ïa ka jingjop ha ka SAFF U17 Championship ha u bnai Nailur bad ar tylli ki jingïalehkai paralok ha China ha u bnai Risaw.
Ha ka jingïalang bad ki lad pathai khubor shuwa ka jingïakhun, u coach jong ka kynhun, u Bibiano Fernandes u la ong, “Ngi la sdang ban tei ïa kane ka kynhun ha u bnai Nailar da kaba buh ïa ka SAFF kum ka thong ba nyngkong eh. Ki jingïalehkai paralok ha China ka la ïarap ïa ngi ban sngewthuh ïa ka kyrdan kaba donkam, bad ka jingpoi kloi sha Ahmedabad ka la ïarap ïa ngi ban pynïadei bad ki jinglong jingman. Ngi la pynkhreh bad khmih lynti ïa ki jingïakhun.”
Ka kynhun ba la pynbna da u Bibiano Fernandes, kan kynthup ïa 23 ngut ki rangïalehkai. Hadien ka jingïalehkai kaba nyngkong pyrshah ïa ka Palestine (ha ka 22 tarik Naiwieng), ka India kan aireng sa ïa ka Chinese Taipei (26 tarik Naiwieng), Lebanon (28 tarik Naiwieng) bad ïa ka Islamic Republic of Iran (30 tarik Naiwieng).
Ka nongjop ha ka Group kan ïoh rung sha ka lympung ïalehkai ba khatduh ha Saudi Arabia lashem snem, ka ban long kum ka jingïaknieh rung sha ka FIFA U17 World Cup 2026 ha Qatar. Baroh ki jingïalehkai kin sdang ha ka por 7:30 baje janmiet bad yn sa pyni live ha ka plus.fifa.com.
Ka kynhun ïalehkai jong ka India:
Goalkeeper: Manashjyoti Baruah, Maroof Shafi, Rajrup Sarkar.
Defender: Abhishek Kumar Mondal, Ankur Rajbagh, Indra Rana Magar, Korou Meitei Konthoujam, Lawmsangzuala, Md Aimaan Bin, Shubham Poonia.
Midfielder: Dallalmuon Gangte, Denny Singh Wangkhem, Diamond Singh Thokchom, Mukundo Singh Ningthoujam, Nitishkumar Meitei Yengkhom, Thonggoumong Touthang.
Forward: Aazim Parveez Najar, Azlaan Shah Kh, Gunleiba Wangkheirakpam, Heeranganba Seram, Jasir Khan, Lesvin Rebelo, Rahan Ahmed.
Head coach: Bibiano Fernandes
Assistant coach: Subham Rabha
Goalkeeping coach: Parshuram Salwadi
Strength and conditioning coach: Karan Mane