Ka jingduna thiah lane ym shym ïohthiah bha ka lah ban long ka daw halor ka jingkiew ka jingbitar, ka jingdombiej, khamtam ba don hapdeng ka jingdom. Ka jingbym ïohthiah bha ka don jingïadei shalyndet bad ka jingbitar. Kito ki briew kiba thut thiah la ka long na ka daw ka jingbym suk, jinglyng-a, ne kiwei ki jingbym ïohthiah kynthup ka jingpher ki rukom phongjaiñ lane kiwei ki jingthut kum ka jingwiat ki ksew, ki jingtem bad kiwei ki long ki sakhi ka jingbitar na ka daw ka jingthut thiah bad thut ka jingmut jingpyrkhat.
Lyngba kane la sakhi ba ka jingduna bad thut thiah ka dei kaba pynkiew kloi ka jingbitar, jingdom bad jingatnud.La kdew ba ka jingbitar ka kham jur hapdeng kito kiba thut thiah na ka daw ka jingmih ki jingsawa kiba kham long khor ne kham jam bad kito kiba thut thiah na ka daw ka jingsawa kaba ym da jam palat. Ka jingthut thiah ka long ruh ka daw halor ka jingktah ha kiba bun ki liang kynthup naduh ka jingkhuslai, ka jingsngewsih, ka jingduna ban don ka jingsngew tynnad bad kane ka ktah ïa ka bor treikam ki thied ha ka met khamtam ïa ka khlieh.
