Dang lum jingkheiñ ka sorkar ïa ki jingjulor halor ka jingpluh ka Shillong Engineering College

Shillong, K’ Lyngkot 17: U Myntri Rangbah ka Jylla Conrad K Sangma ula pyntip ba lah hukum ban pynlong ïa ka jingtohkit halor ka jingpluh jong ka Shillong Engineering College ha ka step sngi Palei ha Kynton Massar.
U Conrad ula ïathuh ba ka Sorkar ka la lum jingkheiñ ïa ka jingheh ka jingjulor na kane ka ding bad pyntip ba kane ka ding ka la ktah tang ïa kawei ka mala bad la lap ba kloi pynlip noh ïa ka.
“Ngam don satia ïa ka jingtip ba pura bad nga, hynrei nga lah ban ïathuh ha phi ba ïa ka ding la lah ban pynlip mar mar bad ym shym la don kiwei pat ki mala kiba shah ktah,” ula ong.U Conrad ula pynpaw ïa ka jingkmen ba ym shym ka don kano kano ka jingjia ba sngewsih ha kane ka jingpluh. “Da ka jingïada u Blei, ym shym la don kano kano ka jingjia ba sngewsih, hynrei hooid, ka la don katto katne ka jingjulor, hynrei ngam don ïa ka jingtip ba pura bad nga,” ula bynrap.