Nongstoiñ, K’lyngkot 11: Ka ophis jong u Deputy Commissioner West Khasi Hills ka la pyntip sha baroh ki nongshong shnong kiba hap hapoh ka West Khasi Hills District Nongstoiñ, ba la pyllait biang ïa ka Free LPG Connection sha baroh ki longïing ha ka kyrteng jong ki kynthei kiba la 18 snem shaneng kiba hap hapoh ka thup jong ka BPI, kaba dei ka skhim jong ka skhim Pradhan Mantri Ujjwala Yojana (PMUY) 3.0 Scheme, kaba long ruh ha baroh kawei ka Jylla Meghalaya na ka bynta ka snem 2025-2026.
Ha kaba ïadei bad kane, ka Ophis jong u Deputy Commissioner (Supply), West Khasi Hills District Nongstoiñ, ka pyntip sha baroh kiba dei hok ban ïoh jingmyntoi ba kin leit ban aplai kloi ïa kane ka Free Gas Connection na ka M/s Ailang Gas Agency, Nongstoiñ lane na ki Common Service Centre (CSC).
Ki kot jingdonkam ki long, Xerox Ration Card (AAY/PHH/Non-NFSA) lane Family Composition form, Xerox Aadhaar card, Xerox Bank Passbook, dur passport 2 (Ar) tylli, phone number, Xerox Aadhaar card jong ki nongïoh bynta lang, kiba la kot sha ka 18 snem shaneng.
