Jowai, K’Lyngkot : Ka jingïalehkai 1st Wailadmiki Shylla Young Festival Football Tournament-2026, kaba pynlong ha Madan Thad Mukhla, West Jaintia Hills District kala nangïaid shakhmat bad mynta ka sngi ka 10/1/2026 la don lai tylli ki kynhun kiba la ïakhun.
Ha ka jingïakhun kaba nyngkong (1st Game) ka long hapdeng Ïalong bad ka Mihmyntdu, ha kaba ka Ialong ka la jop da 3-0 kol. Ïa ki kol na la thep da u George Lhuid ha minit kaba 23, u Bryan Pale ha ka minit ka ba 32 bad u Bashanborlang Pale ha ka minit ka ba 53.
Ha ka jingïakhun kaba ar (2nd Game) ka long hapdeng ka Sohmynting bad ka Loomkyrwiang, ha kaba ka Sohmynting kala jop da 1-0 kol. Ïa ka shikol la ïoh ban thep da u Dawansuni Suting ha ka minit ba 25.
Ha ka jingïakhun kaba lai (3rd Game) hapdeng ka Lumiongkjam bad ka Mookyrdup, ha kaba ka Lumiongkjam kala jop da 4-3 kol lyngba ka Tie Breaker.
Ha ka jingïakhun kila ïakhaid da 2-2 kol. Ïa ki kol na ka Lumiongkjam la thep da Rihii Challam ha ka minit ka 13 bad u Dasa Challam ha ka minit kaba 24 (da ka penalty).
Ïa ki kol na ka Mookyrdup la ïoh ban thep da u Famous Plain ha ka minit kaba 32 (da ka penalty) bad u George A Mannar ha ka minit kaba 12.
Ki kynhun ki ban ïakhun ha ka 12/01/2026 ki long ha ka jingïakhun ba nyngkong ka Madur pyrshah ia ka Moosakwan, katba ha ka jingïakhun kaba ar ka Lumpyrdi Iongpiah pyrshah ïa ka Caroline Colony bad ha ka jingïakhun kaba lai pat kan long hapdeng ka Mihmyntdu -A pyrshah ïa ka Ladthalaboh.
