Jowai, Naitung 08 : Ka jingïalehkai phutbol ‘5th Debo Shullai Memorial Trophy’ 2nd Division Football League Cum Knockout Tournament-2022 bala pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium Jowai.
Haba phai sha ka jingïakhun hapdeng ka Mynsngad pyrshah ïa ka Phramer, na ka liang ka kynhun ïalehkai jong ka Phramer kala lah ban pynliem ïa ka Mynsngad da 3-1 kol.
Ïa kitei ki lai kol na ka Phramer la thep da u Elias Saioo ha ka minit ba 48 & 74 min bad u Monjurlang Suchiang ula thep ha ka minit ba 52. Katba ïa ka shikol na ka Mynsngad la thep da u Banker Muksor ha ka minit ba 80+1.
Lashai ka sngi 9 tarik ka jingïakhun kan long hapdeng ka Mooknor Thadmuthlong pyrshah ïa ka Lumpyrtuh Mihmyntdu ha ka por 3 baje nongphai sngi.
