Jowai, Nohprah 23 : Ka Hynñiewtrep Integrated Territorial Organization (HITO) Jowai Circle, ka ai khublei Christmas bad snem thymmai basuk bad bakmen ïa ki nongshong shnong ka sor Jowai, kumjuh ïa baroh ki khun ka bri u hynñiewtrep hynñiewskum bad ka Ri hi baroh kawei.
Ka seng ka kitbok kitrwiang lyngba kane ka Christmas bad u snem thymmai kan wanrah ka jingkyrkhu kyrdoh naduh ka koit ba khiah, ka jingnang jingstad bad ka kamai kajih kaba biang ïa baroh lang.
Shuh shuh ka seng ka kyrmen skhem ba une u snem ba thymmai un long ka jingkyrkhu ïa baroh khamtam ïa ka ri bad ka jaitbynriew ba kan ïoh ban pynthymmai ïala ki jingmut jingpyrkhat na ka bynta ka lawei ba phyrnai ryngkat ki jingkyrkhu na u Trai kynrad na jrong, pynkut ka kyrwoh na ka seng.
