Shillong, Nohprah 22 : Ka jingkam jong ki pulit ba ki la ïoh kem ïa ki dkhot kiba donkti ha katei ka jingjia ha Dhar Company ka dei tang ka jingthok kaba shai. Kito ki briew kiba ki kem kim dei ki dkhot ka HNLC, bad baroh kito ki tiar kiba ki la kurup ki dei ki tiar jong ki pulit hi. Ki dkhot ka HNLC kiba donkti ha ka jingpynbthei ïa u IED ha ka 15 tarik ki lah wanphai suk sha ka ktem lajong. Lada ki pulit ki la tikna ba dei kito ki briew kiba donkti, balei pat ki dang rah sa ïa ka lok u Emanuel Suchen@Shwa, u dkhot ba satar bad ba shitrhem ka HNLC?
Kat kum a kyrwoh ba la phah da u bah Sainkpar Nongtraw, General Secretary ka Seng HNLC la pynpaw “Ha ka histori jong ka HNLC ym pat don ruh kawei ka sien ba ngi la rah ne pynthut ïa ki bahaïing bahasem jong ki minister ne ki pulit. Pynban, ka tnat pulit ka la ju kem bad pynthut ïa ki bahaïing bahasem jong ki dkhot ka seng. Ki la kem teng ruh ïa i kurim bad i kiaw jong u Rangbah shipai jong ka seng katta ki dei kiba wan na ka ïing kaba don burom bha. Ka rukom treikam jong ka HNLC mynta kam dei shuh kaba ïaid da ki buit treikam ki barim. Kumta ngi maham lypa ba lada ka tnad pulit kam sangeh ban kem bad pynthut ïa ki bahaïing bahasem jong ki dkhot ka seng, ngin sa leh tyngeh ïa kaba ngi dei ban leh”.
Ka tnad pulit ka Kam ba uta u briew uba donkti ban pynbthei bom u dei uba don jingïadei bad ka POCSO bad ki pulit ki shu ïathuhkhana kai ïaki media ba ki shu register tang ïaka case ïa uta u Tongper. Lada Kane ka jingkynnoh ka long Kaba shisha balei Kim kem, kim tohkit bad rah Sha ïingbishar?
Kaba thamula ka long ba ïa Kane ka jingkam ki pulit lah nang shut pynjlih shuh shuh da ki katto katne ki lad pathai khubor. Ka aiñ POCSO ka dei ka ain kaba khor bha, Kiba don ïaka case POCSO, ka aiñ ka treikam stet haduh katta katta, ka jingpynsawa ki media kan nym lah ban bujli ïaka jingtreikam hok ka aiñ. Ka jingkynnoh khlem ki sakhi ne khlem da rai pynrem daka ïingbishar hi kan shu kut tang ha ki jingkynnoh. Kane ka jingkynnoh ka tnad pulit ka dei tang shi bynta ban pynthohbria ïa ka HNLC.
Ka jingpyni jong ki pulit ïa ka kali kit um kaba la julor ka dei tang i ‘phngit i barit’ ban tap eit-miaw ïaka jingshisha kaba lah jia ha katei ka jaka. Ha katei ka step jong ka 15 tarik lah don kumba 20 tylli ki kali, hynrei 6 tylli na kitei ki kali ki la julor bha, bad 2 tylli na kita ki dei ki kali kit umphniang. ïa u bom IED la buh ha khrum kawei napdeng ki ar tylli ki kali kit umphniang, ym ha khrum ka kali kit um kumba ki kam. Ka kali kit um ka don kham ha pajih khyndiat na katei ka jaka ba la buh ïa u IED. Ki kali kit umphniang ki la julor bha. Ka metbah jong kawei ka kali kit umphniang ka lah pra laka jong bad kawei ka kali kit umphniang pat ka lah hap sha riat. Tang mar ïa ioh jingtip, ki pulit ki la leit mar mar sha katei ka jaka ban pynkhuid, ban tan,ban sei bad ban pynkynriah ïa baroh ki kali, hynrei kaba i shutia ka long ba ka tnad pulit ka la pyni paidbah tang ïa itei i kali kit um. Ka jingpait jong ki ïit kali ka long kaba shyrkhei bha bad ki la sied lut sha madan sha madiah wat ki lah sied shaduh shnong.
Lada kam dei ka jingjia kaba la heh bha, balei pat ki pulit ki la buhrieh ïa kane ka jingjia haduh 3 sngi tad hadien ba ka HNLC ka hap pynbna paidbah ïa kane ka khubor? Kaba sngewtynnat ka long ba u SP dalade u dep ban kubur ba ka jingbthei ka long kaba khlaiñbor bha. Shuh shuh, ngi kwah ban pynkynmaw ïaka jingkren jong ki heh pulit, u CM, Ki Deputy CM ba ki ju kob naka por sha ka por ban nym ailad ïaka HNLC ban khie khlieh hynrei ka long markhongpong haba ka HNLC ka nang lah khambha ban pyni ïaka jingtbit ki kti bad ka khlieh ban treikam.
Ka jingkam jong u Conrad bad u Sniawbhalang ba ka HNLC ka ong shiphang u Sniawbhalang u siew, shiphang ym siew, ka dei tang ka jingkwah kyllaiñ jong ki hi. Mynshwa u Sniawbhalang u la bei tyngka ïa ka HNLC, hynrei hadien pat u la shetkylla ïa ngi da kaba um treh shuh ban bei tyngka. Na kata ka daw, ngi la hiar thma ïa ki jingdon jingem jong u. Kane ka jia kumjuh kumba la jia ha ka histori, u Rajiv Gandhi ruh nyngkong u kyrshan bha ïa ka LTTE, hynrei hadien u kynran dien noh, te u duh syndon ïa la ka jong ka jingim.
Ka HNLC ka maham lypa ïa baroh ki nongtrei nongbylla jong u Sniawbhalang ba kin sangeh ban trei bad u, khamtam eh ïa ki bar jylla. Lada ngin pynbthei sa shisien, ngin leh da kaba khamheh shuh shuh, ym tang 30 kg kumba ngi pynbthei ha katei ka miet, hynrei ngin buh ban pynbthei haduh 60 kg ha Kano Kano ka jaka ba longtrai da u Sniawbhalang bad ngin nym kitkhlieh lada ka jia kano kano kaba sngewsih. Ko Sniawbhalang da kynmaw bha ba me hap ban siew sha ka pla tyngka ka seng kum ka khajna. Kiwei ki politician ne ki hehspah nongkhaïi ki dei ban sngewthuh shai wat ïa ka Dhar Company kaba dei jong u Deputy CM ngi dang ïohlad ban leh kumne, sa katno tam kan long kaba suk ïangi ban ngin thombor ïa kiwei ki bym dei ki Minister bad kiba dei tang ki hehspah.
