SHILLONG, Nohprah 22: Ka Forever Young kan pynlong biang ïa ka ‘Jngi Shiteng Synñia kaba 28 (28th Midnight Swim) ha ka pung jngi Cronoline Swimming Pool ha ka 31 tarik u Nohprah 2025.
Ka jingpynlong ïa kane ka ‘Jngi Shiteng Synñia’ ka long kum shibynta ban pdiang sngewbha ïa u snem thymmai 2026.
Mynta u snem yn buh 9 (khyndai) ton u thah ha katei ka pung jngi. Na ka liang jong ki nongpynïaid ki la kyrpad ïa kito kiba kwah ban ïa shim bynta ba kim bit ban dih kino kino ki jingdih pynbuaid shuwa ban wan ïa shim bynta ha katei ka jingïa jngi khnang ba kan nym don kano kano ban pynduh noh ïa ka mynsiem ïakhun jong ki.
Kane ka long katkum ka kyrwoh na u General Secretary ka Forever Young, u Bah M. Thabah.
