Shah jied u samla na WJH ban ïakhun ha ka Grnad Finale, India Talent Five la 20 tarik

Shillong, Nohprah 16: U wei u samla napoh ka jylla Meghalaya u la shah jied ban leit iakhun ha ka grand Finale jong ka Indian Talent Five ka ban long ha Dehradun ka ka 20 tarik mynta u bnai.
Ia une u samla la tip kyrteng kum u Da-o-hi Sutnga uba dei na ka shnong Shangpung Khlieh rangnah, kaba hap hapoh West Jaintia Hills District, bad u dei ruh uba la ju ia shim bynta ruh ha ka Meghalaya Superstar
Ka jingshah jied une u samla ban ioh ia shim bynta ha ka final, kadei na ka jingkyrpad jong u Bah Kit Thabah uba dei u President jong ka All Meghalaya Dancer Association sha ki heh jong ka company.
Haba kren sha ki lad pathai khubor u Bah Kit Thabah u la ong ba kum u Coordinator u la kren shapoh ki nongpyniaid ban pyllait ia u ban ym leit leh ia ka Mega Auditionnamar ba u dei u khynnah uba duk basuk bat un ym lah bor ban leit namar ba kan ktah ia ka pisa ha ka bam, ka thiah ka dem kumta la shu phah online noh ia ki sur jingrwai jong u.
Hadien ba la shah jied ia une u samla ban iakhun beit beit sha ka final ia kaba u la phah ia ka sur jingrwai jong u da ka online, la ioh ban ia kren bad u MLA jong ka thain uba la shim khia bad kyrpad ruh ia ka tnad Arts and Culture, kumjuh ruh ia ka ophis jong u CM bad ia ka tnad Tourism ba kin iarap lem na ka bynta une u samla. ong u bah Kit.
Na ka liang u samla Da-o-hi Sutnga u la pynpaw ba u la ju ia shim bynta ha kum kine ki rynsan bad ha kane ka kynti ba mynta u la pynkhreh ban leit iakhun ia kane ka finale bad u kyrmen skhem ban ioh ia ka jingjop.
Une u samla u la pyntip ba un mih napoh ka jylla kan dei ha ka 19 tarik mynta u bnai ban leit ia khun ia ka finala ha Dehradun.