SHILLONG, Nohprah 14: Ka Meghalaya Chess Association (MCA), ha ka 10 tarik Nohprah, 2025 ka la ïoh ban pynkut noh ïa ka lympung ïalehkai chess hapdeng ki skul kaba la tip da ka “Meghalaya State School Chess Championship 2025”.
Ka MCA ka la pynlong ïa kane ka lympung lehkai chess kaba ar sngi lynter da ka jingkyrshan jong ka tnad ïalehkai ka Sorkar Jylla Meghalaya, bad la sdang ïa ka naduh ka 09 tarik haduh ka 10 tarik Nohprah, 2025 ha ‘Gymnasium cum Indoor Sports Hall’, Polo, Shillong.
Ha kane ka Championship la sakhi ïa ka jingïashim bynta haduh 223 ngut ki nongïalehkai na ki District bapher bapher jong ka Jylla. Ïa kane ka lympung la pynïaid katkum ki kyndon jong ka FIDE Swiss Rules kaba hynriew (6) Round.
ïa ki jingïalehkai la bishar da u FA Amar Bhandari u la long u Chief Arbiter bad ka FA Sumar Selon K. Khonglah kum ka Dy. Chief Arbiter.
La wan plie pyrda ïa ka jingïalang ha ka sngi sdang ïa ka lympung da u Sir Swapnil Tembe (IAS), Secretary ka tnad pla pisa jong ka Sorkar Jylla Meghalaya ha ka jingïadon lang u U K. M. Warhi, President, u K. Pajat, General Secretary bad ki Dkhot ka M.C.A.
Ki nongïalehkai ki la shim bynta ha ki kyrdan ïakop bapher bapher, kata ha ka Under – 11 (Open), Under- 13 (shynrang), Under -13 (kynthei), Under – 17 (shynrang), Under-17 (kynthei).
Kine ki long ki kyrteng jong ki nongïalehkai kiba la khur ïa ka jingjop:
Under – 11 (Open): 1st Peacyworld B Marak (St. Mary’s H/S School); 2nd Sanlanghame S Pyrthuh St. Edmund’s School); 3rd John Vianny Tympuin (St. Anthony’s H/S School); 4th Joseph Jared Paswet (Meghalaya Police Public School).
Under- 13 (Boys): 1st Sagnik Kandar (KV, NEHU, Shillong); 2nd Jeveswar B. Marak (St. Anthony’s H/S School); 3rd Satwik Kandar (KV, NEHU, Shillong); 4th Damanbha Mawlong (St. Paul, Marbisu).
Under -13 (Girls): 1st Badashembha Tangsang (Chrished Buds School); 2nd Sabetnaki Lyngdoh (Seng Khasi Sec. School, Mawphlang); 3rd Cheaha Nikgame G Momin (Woodland Sec. School, Dalu); 4th Evelyne Kurbah (Springtime Sec. School, Sadew).
Under – 17 (Boys): 1st Radharanjan Chakravarty (St. Anthony’s H/S School); 2nd Mayukh Sah (Captain William School); 3rd Devraj Dutta (KV EAC Upper Shillong); 4th Yochwa Gilbert Gashnga (St. Peter’s School)
Under-17 (Girls): 1st Amaziah Gapesa CH Marak (Casarina Public School); 2nd Rishta G. Momin (St. Paul H/S School, Marbisu); 3rd Katie Laetita P Kurbah (Pine Mount School); 4th Marklir Lapang (St. Peter’s Sec. School, Nongsder).
