Shillong, Nohprah 13: Ka Martin Luther Christian University (MLCU) Press ka la pynlait ïa 3 tylli ki kot ki khynnah rit (bilingual children’s books), ka Picnic bad Pine Needles, Rain – U Slap, bad Taptung Tangthu: Paite Folktales na ka bynta ki khynnah, hapoh ka Winter Tales Festival ha ka sngi Thohdieng.
Kane ka jingpynlait paidbah ka long ka dak ka jingïaid lynti kaba kongsan jong ka University Press, ban kyntiew ïa ka thoh ka tar kane ka thaiñ bad kumjuh ruh ki kam ïathuh khana ha kiba bun ki kyntien.
Dr Larilin Kharpuri, Pro Vice Chancellor, la batai halor ka jinglong kongsan jong kane ka sngi, da kaba kdew ba ka Taptung Tangthu kadei kaba shon ha ka sien kaba nyngkong ba ïadei bad ki kot ïathuh khana ha ka ktien Paite da ka MLCU Press.
Kine ki kot ki dei ki bilingual edition, ha ka ktien English-Khasi bad English-Paite, kaba kyrshan ïa ka jingdon bun ki kyntien bad kaba pynshlur ruh ïa ki khynnah ban smat pule kot ha la ki jong ki ktien.
Dr AA Mao, Vice Chancellor, la banjur halor ka jingdonkam kane ka jaka pule ban kyntiew ïa ki sur ki nongshong shnong bad ka jinghiar pateng ka kolshor, bad ha kane ka jingpynlait ïa ki kot la ker sawdong da ki khynnah napdeng kiwei pat ki nongsngap.
Ki nongthoh ki sam ïa ki jingthoh kiba don hapoh ki kot ba ki la trei shitom bad kane ka prokram ka la kut da kaba pynlong ïa ki jingïalehkai bad kiwei ki kam kaba la pynlong ïa kane ka prokram kaba im ka ban kyntiew ïa ka thoh ka tar.
