Nongstoiñ, Nohprah 13 : Ka Deputy Commissioner Eastern West Khasi Hills District ka la pyntip paidbah, ba kum shibynta ka jingrakhe ïa ka National Immunization Day, ka Sorkar Meghalaya ka la pynbeit ban pynlong ïa ka jingai dawai polio sha baroh ki khunlung rit kiba hapoh 5 snem ka karta, ka ban sdang naduh ka 15 tarik mynta u bnai Nohrpah 2025 na ka bynta ban ïada ïa ki khunlung na ka jingpang polio.
Ka sorkar ka la bthah ba kan don ka jingrung sha man la kawei pa kawei ka longïing ha ki Shnong ki thaw. Kumta la kyntu ïa ki kmie ki kpa bad ki nongshong shnong jong ka district ban ai ka jingtreilang, da kaba kin shah ban pyndih ïa kane ka dawai ha ki khunrit jong ki, khnang ban lah ban pynduh jait ïa kane ka jingpang.
