Ka sorkar kam dei ban kheiñ sting ïaka jingtwa u Dome Assembly, dei ban thung da ki kynhun ban buddien ïa kino kino ki jingpyntrei

Ka jing twa jong u dome assembly ka iing dorbar thaw aiñ ka jylla ka dei ka jingmaham (warning) bad ka jingpyn kyndit bynriew ïa ka sorkar jylla, ba kam dei ban khein sting haba pyntrei ïa kino kino ki jing tei la ki dei kiba heh ne ba rit la ka ka dei ka iing dorbar thaw aiñ, ki hospital, ki skul, college, ki training centre, ki official quarters , ki jingshna surok , ki jingkieng bad ki wei ki wei ba ym dei ban shu shanñiah than tang ha ki contractor ki nongtrei na tnad sorkar donkam ban bud dien ïa ki sawdong saw kun jong ki jingtei la ki dei ki jingtei ba la bei pisa na ka sorkar jylla ne na ka sorkar pdeng.
Naka liang ka sorkar kala dei ban thung ruh da ka kynhun kaba peit ngor bad buddien haba pyntrei ïa kino kino ki jing tei khnang ba ki jingtei kin long kiba janai kiba bha kin long ka jingshngaiñ ïa ki paidbah ban pyndonkam ba kan long ka jing tei kaba skhem khnang ban lait na kino kino ki jingjia ba sngew sih ha dien ha bud.
Hynrei bunsien ym don ba bud dien haba pyntrei ïa kino kino ki jing tei na ka liang jong ka sorkar bunsien la shu bynshet bad shanñiah beit tang ha u nongshim wai jingtrei (contactor) la shu khmih lynti tang ban dep ka jingtrei hynrei ym ju buddien pat ki tiar aiu bad kiba kumno ba dei ban pyndonkam ha ki jingtei kata ruh bunsien la shu shanñiah beit kat ka jingsngew bit jong ki contractor shait lap bad iohi teng teng ki contractor ki kylla engineer pynban dei na kane ka daw ba bunsien ki jingtei ym pat dep bha la sdang ban pei thliew jaw um sdang ban orpait bad kumta ter ter.
Donkam ban buddien na ka liang jong ka sorkar haba pyntrei ïa kino kino ki jingtei dei ban pyndonkam da ki tiar kiba bha kiba neh slem kiba khlaiñ kiba ïa hap dur bad ki jait jingtei kum u nar rod, u maw, ka dewbilat ka rukom khleh dewbilat dei ban pynkhlain bha nangta ka rong haba siang surok donkam ban pynkhlaiñ bha ka rong bunsien ka surok ka khoh ka jot na ka daw ba stang duna palat ka rong donkam ban buddien khnang ba ki jingtei kin long kiba janai ban lait na ki jing shah kynthoh hadien ha bud ba kan wanrah ka jingmyntoi bad ka jingkyrkhu ïa ki paidbah ym ka jingtim.