Jowai, Naiwieng 06: Ka resol jong ka jingïalehkai phutbol ha ka kyrdan ‘Super Division Football Tournament – 2025’ ïa kaba la tip kum ka “17 U Kiang Nangbah Memorial Trophy” bala pynïaid da ka West Jaiñtia District Sports Association, (WJDSA) Jowai, kaba la long ha ka sngi Palei, 06 tarik Naiwieng, ha madan Kiang Nangbah Stadium, Dongmihsngi Jowai.
Haba phai sha ka jingïakhun hapdeng ka Ladthadlaboh bad ka 7-Wasa United ka la poi sha ka jingïakhaid da mar shikol (1-1).
Baroh arliang ki la pynkhihjar ha ki minit pynjlan ba khatduh, ha kaba ka Ladthadlaboh ka la pynkhihjar shuwa ban kut ka kylla step lyngba u Rangdajied Sayoo (45+3’) ban lamkhmat ïa ka jingïalehkai, hynrei ka 7-Wasa United ka la kyntait ban mad ïa ka namrem da kaba pynïakhaid lyngba u Arwanki Rymbai (90+4).
Haba phai pat sha ka jingïalehkai jong ka 1st Women League Football Tournament 2025, kaba la long ha kajuh ka sngi, ka Ladthadlaboh kala pynliem suk da 5-0 kol ïaka Spahmariang. Ka Prema War (26 & 55’) bad ka Daphimon Khyriem (32 & 43) ki la thep mar ar kol, hadien ba ka Ripa Suchiang ka la thep ïa ka kol kaba nyngkong haka minit ba 14 na ka bynta ka Ladthadlaboh.
