Jowai, Naiwieng 05: Ka Demthring ka la khur ïa ka jingjop kaba suk da kaba pynliem noh haduh 7-0 kol ïa ka Youth Cultural Sohmynting ha kawei na ki jingïakhun jong ka ‘Super Division Football Tournament – 2025’ ïa kaba la tip kum ka “17 U Kiang Nangbah Memorial Trophy” bala pynïaid da ka West Jaiñtia District Sports Association, (WJDSA) Jowai, kaba la long ha ka sngi Balang, 05 tarik Naiwieng ha madan Kiang Nangbah Stadium, Dongmihsngi.
Kiba la pynkhihjar ha kane ka jingïakhun na ka bynta ka Demthring ki long u Forman Nongsit (15’), u Phransis Mukhim (46 & 70’), u Teibha Lamin (53’), u Civilin Khongmalai (59’), u Primrose Lamat (69’) bad u Heisa da e Ryngkhlem (81’).
Ha kane kajuh ka sngi, ka jingïakhun jong ka lymnpung ‘1st Women League Football Tournament 2025’ la sakhi ïa ka Carpedien FC kaba la pynliem suk haduh 7-0 kol ïa ka Catholic Youth SC.
Ka Deigracia Dan ka la long ka thei ïalehkai kaba kongsan tam da kaba thep 5 kol marwei, ïa kine ki kol ka la pynkhih ha ka minit kaba 3, 24, 34, 41 bad 60+1. Katba ka Ibanetilut Shylla (18’) bad ka Peacefully Pohplet (59’) ki la pynkhihjar mar shisien.
