Shillong, Risaw 31: U Myntri Rangbah ka jylla u Conrad K Sangma ha ka sngi Thohdieng, u la pynbna ba ka Sorkar kan sa pyllait noh haka por kaba biang ïa ka scholarship shaki samla pule ka Jylla.
Haba kubur ba don ka jingslem ban pyllait ïa ka pisa, u Conrad u la pyntip ba ïa ka Chief Minister’s Scholarship Scheme yn sa pyllait noh hapoh u bnai Nohprah 2025.
“Ngi kubur ba ka don ka jingpynslem ban pyllait ïa ka Scholarship bad kane ka la ktah jur ïa ki samla pule jong ngi. Nga sngewkmen ban pynbna ba ïa ka Chief Minister’s Scholarship Scheme yn sa pyllait noh ha u bnai Nohprah, bad ïa ka Scholarship ba la kyrshan da ka Sorkar Pdeng yn sa pyllait lypa wat ha shwa ban pyllait pisa ka Sorkar India,” u la ong.
