Jowai, Risaw 29: Ka lympung ïalehkai phutbol jong ka kyrdan ‘Super Division Football Tournament – 2025’ ïa kaba la tip kum ka “17 U Kiang Nangbah Memorial Trophy” bala pynïaid da ka West Jaiñtia District Sports Association, (WJDSA) Jowai kala long ha ka 29 tarik ha madan Kiang Nangbah Stadium, Dongmihsngi Jowai.
Haba phai sha ka jingïakhun Super Division ka Khimusniang kala pynliem da 3-0 kol ïaka Ladthadlaboh, ïa kitei ki kol na ka Khimusniang la thep da u Sanjini Dkhar haka minit ba 47 & 64 bad u Wanbiang Passah haka minit ba 66.
Haka jingïakhun 1st Women League Football Tournament 2025 jong ka WJDSA kaba la long mynta hi ka sngi ka Spahmariang kala jop da 2-0 kol ïaka Q.C.S Football Women Club, ïa kitei ki ar kol na ka Spahmariang la thep da ka Wanka Susngi haka minit ba 7 bad ka Arwa Phawa haka minit ba 50.
