Shillong, Risaw 26: Ka IIM Shillong ka la pynlong ïa ka HT – Ideas Matter Most hapoh ka phang, “Together Towards India@2047: Community-Industry Synergy for Innovation and Growth.” Kane ka prokram ka la wanlam lang ïa ki nongthaw aiñ, ki nongïalam sengkam la jong, kiba treikam la jong, ki riew shemphang ban ïakren halor ki jingshem thymmai, ki jingdon bynta ki kynhun bad ka jingpynthymmai ka jingïaid lynti sha ka Viksit Bharat 2047.
Haba kren lamphang, ka Prof. Naliniprava Tripathy, Director (I/C), IIM Shillong, la banjur halor ka roi ka par ka India bad ka jingkhot jong ka jingïohi jngai bad ka jingsam ïa ka jingkitkhlieh. Ka la ong ba ka bor hapdeng ka sorkar, ka karkhana, ka pule puthi bad ka imlang sahlang ka long kaba kongsan ban kynjoh ïa ka thong bad ka roi ka par kaba neh. Ka Prof. Tripathy ka la banjur ba ka kam jong ka IIM Shillong ka long ban pynpaw shaphang ka jinglong kordor ha ka kam nongïalam, ka kam jingkitkhlieh, bad ka jingïadon bynta ha ka kynhun kaba pynleit jingmut halor ki jingthmu jong ka Viksit Bharat 2047.
Hadien ka jingkren plie la pynbud da ka jingkren na u Madhu Chandan, Founder bad CEO jong ka Organic Mandya, uba la sam ïa ki jingïaid lynti jong u ha ka kam sengkam lajong bad ka jingpynkylla dur ïa ki nongrep ban long kiba sengkam ha ka rep ka riang. U la pynshlur ïa ki samla ban pyrkhat da ka jingpher, ban leh ïa ka kam da ka jingshlur bad ban sdang ki jingai jingmut kiba donkam bha ha ka jingim.” La ïoh ruh ka jingkren na u Dr. Suvrokamal Dutta, u riewshem phang halor ka Economic bad Foreign Policy.
Ha kane ka prokram ki la don artylli ki panel ïasyllok kiba kren shaphang ka jingshem thymmai bad ki jingkyntiew ïa ka roi ka san.
Ha shwa ban kut ka prokram u Pranav Kumar, CEO, Ideas Matter Most Ventures Pvt. Ltd., u la pynpaw ka jingïaroh ïa ka IIM Shillong haba ïadei bad ka jingdonkam ban pynlong ïa ka rynsan Ideas Matter Most kaba ïaibteng ban ai mynsiem ïa ki jingïakren ba don jingmut bad ki kam pynroi ka India sha u snem 2047.
Ïa kane ka prokram la pynlong da ka Corporate Affairs, IIM Shillong, bad la ïoh ka jingkren pdiang na u Hemango Kishore Dutta, Joint General Manager – Corporate Affairs, IIM Shillong bad kiwei ki prokram.
