Jowai, Risaw 26: Ka Sports and Youth Sub Committee jong ka War Jaiñtia Students’ Union (WjSU) ha ka 24 tarik u Risaw, 2025 ka la sdang ïa ka ‘1st Warjaiñtia Junior Championship Under-16: Pamtbuh 2025’.
La wan ban plie pyrda ïa kane ka lympung da u bah Treibor R Suchen (kyrtong MDC ha kane ka MDC Election ba lah dep) kum u kongsan, u General Secretary barim ka seng u bah Dapmon Suliang kum u symbud Kongsan bad u President nongkong ka seng bah Alban k Gashnga bad uba dei ruh u Chief Adviser.
Ha ka sngi sdang jong kane ka lympung la wan ban aireng nyngkong hapdeng ka Amsrim SC pyrshah ïa ka Ammutong CSC. Ka jingïalehkai ka la long kaba i shong kun bad ha kane ka jingïakhun la jop da ka kynhun ïalehkai jong ka Amsrim Sc.
Shi bynta ban pynmih Fund ïa ka seng naka bynta ka Second Warjaiñtia Scholarship Examination 2025 la pyllait paidbah ruh ïa ka Lucky Draw ka seng da u kongsan bah bah Treibor R Suchen. Ka First Prize ka long da ka Scooty, ka Second Prize da ka Iphone, ka Third Prize da ka Laptop bad 5 tylli ki Consolation Prize ba mar Rs 5000/-.
U Kongsan ha ka jingplie pyrda ula kyntu ïa ki paidbah ka thaiñ bad ka jylla Meghalaya hi baroh kawei ban kyrshan radbah ïa ka Education Initiative ka WjSU da kaba thied ïa ki ticket kane ka Luck Draw ba shong dor Rs 50/- shi ticket.
Ka Drawing Date kane ka Lucky Draw kan long haka 20th December 2025 haka Mini Fete ba ar sngi ba la pynïaid da ka seng bad ha kane kajuh ka sngi ym sam ïa ki Scholarship sha ki khynnah ba ïakhun ïa ka Second Warjaiñtia Scholarship Examination 2025.
