Jowai, Risaw, 25: Ki nongïalam jong ka National People’s Youth Front (NPYF) Nartiang Constituency ha ka sngi Palei ki la leit ban synran lem ïa ki nongrep jong ka shnong Lapangap bad ban ïashim bynta ban ot ïa u kba uba la ih.
Ka NPYF ka la ai khublei kyrpang ïa u Myntri Rangbah ka jylla u Conrad K. Sangma kumjuh ïa u Symbud Myntri Rangbha u Bah Sniawbhalang Dhar bad ïa ki ophisar Sorkar kiba la wad ïa ki lad ki lynti ban wanrah biang ïa ka shongsuk shong shngaiñ hadpdeng ki ar jait bynriew Pnar bad Karbi.
Kum ka seng kala hiar khnang sha Lapangap ban ïarap ot kba ïa ki nongrep kiba la ïoh lad ban ot noh ïa u kba naduh ka 22 tarik mynta u bnai bad kaba dang ïaibteng haduh mynta.
Ka NPYF ka la kyntu ïa ki para samla jong ka Constituency ba kin mih shakhmat ban leit ïarap ïa ki nongrep jong ka thaiñ Lapangap, da kaba ong ‘ym lah ban leh kiba bun na u soh kba ula tlor lut, hynrei kyrmen skhem ba u kba un poi beit shaduh ki ïing ki sem jong ki nongrep.’
