Sdang ka Chutwakhu ïa ka Super Division jong ka WJDSA da ka jingjop

Jowai, Risaw 22: Ka West Jaiñtia District Sports Association (WJDSA), Jowai, hynne ka sngi Balang, 22 tarik Risaw 2025, ki la ïoh ban sdang ïa ka lympung phutbol ha ka kyrdan ‘Super Division’ na ka bynta ka aïom lehkai jong u snem 2025’ ïa kaba la tip kum ka “17 U Kiang Nangbah Memorial Trophy” ha madan Kiang Nangbah Stadium, Dongmihsngi Jowai.
Ka jingïakhun kaba nyngkong mynta u snem ka la long hapdeng ka Chutwakhu pyrshah ïa ka Nangbah Mulang, ha kaba ka Chutwakhu ka la khur ïa ka jingjop da 2-1 kol.
Hadien ka jingïalehkai kaba khlem kol ha ka kylla step ka Chutwakhu kala wanphai da kaba kham khlaiñ ha ka kylla miet bad thep ar tylli ki kol lyngba u Trerisen Tariang ha ka minit ba 52 & 53.
Na ka liang jong ka Nangbah Mulang ka la ïohlad ban jubab lyngba u James Sungoh haki minit pynjlan ba khatduh (90+2) hynrei ka por ka la lyngkot eh ïa ka kynhun ba kan wanphai.
Ha kane ka sngi ka la don ruh ka jingïalehkai jong ki kynthei ha ka lympung 1st Women League Football Tournament 2025, ha kaba ka Spahmariang kala khur ïa ka jingjop da 1-0 kol ïa ka Catholic Youth SC.
ïa kane ka namtam na ka bynta ka Spahmariang la thep da ka Wanka Sungi haka minit ba 57.