Shillong, Risaw 19: Ka jingïalehkai plate group jong ka lympung kriket Ranji Trophy 2025-26 hapdeng ka Meghalaya bad ïa ka Mizoram, kaba la thmu ban pynlong ha nongbah Shillong, ka la shah pynsangeh noh ha ka sngi ha ka sngi kaba saw (Day 4) bad kaba khatduh khlem da don kano kano ka jingïakhun.
Wat hapdeng ka jingpyrshang kaba shait shait da ki nongtrei madan kiba aiti lut ban pyrshang pynrkhiang ïa kawei ka bynta jong ka MCA Ground, hynrei ka jingsngem ka la pynlong ïa ka madan ban jem bad ka jingïalehkai kam lah ban jam shakhmat.
La antad ba ka jingjur slap ha ki sngi shuwa ban sdang ka jingïakhun kadei ka daw bah sha lyndet jong kane bad ka Meghalaya Cricket Association kan sa pyrshang katba lah ban pynbeit ïa kane ka jingeh shuwa ka jingïakhun kaba ar, kaban long hapdeng ka Meghalaya bad ka Sikkim, kaba la thmu ban sdang ha ka 25 tarik u Risaw.
Namar kane, baroh ar ka Meghalaya bad ka Mizoram ki la ïoh mar 1 point.
