Nongstoiñ, Risaw, 19: Halor ka jingujor jong ki paidbah halor ka jingtrei torti jong ka company shna surok na Kynroh Nongkynjang Nonghkhlaw bad Byrki, ka FKJGP Byrki Area, ka la leit ban jurip bad la lap ba ka company ka la trei torti sha ba palat. Na ka lïang ka seng ka la pynrem jur ïa ka jingtrei torti ïa katei ka surok, naduh ka rukom sïang maw haduh ki kynroh bad ki muri. Don ki jaka ba ym pat lap dep trei, hynrei ki lah da twa bad jot.
Ka seng shen ka la leit ban ujor hakhmat Executive Engineer PWD road Nongstoiñ, ba u dei ban tuklar mardor ïa katei ka surok, khnang ba ka surok kan neh slem. Lada trei torti kumto kan wanrah jingeh ïa ka ïaid ka ieng jong ki paitbah nongshong shnong jong ka dong ka thaiñ, ong u samla H.kharhari president FKJGP Byrki Area unit.
